الخبر الثقافي موقع يهتم بكافة النواحي الثقاقية بمختلف مجالاتها وتغطية الأخبار الفنية .
عودت نفسك على حاجات غريبة
كل يوم الصبح
تلزق بوزك فى المراية وتعيط
لما تحس بان دموعك فعلا
نزلت بغزارة
تحدف جسمك بعنف
على السرير
وتسيب ضلك يتلاشى
حته..حته
لما تدخل عليك الشمس بحرارتها
من أضيق حتة فى الشباك الموارب
مش هو دة الشباك
اللى كان بيحدف عليك
أحلى نسمات العصارى
وأنت قاعد تتفرج
على صورتها تحت “الكومدينو”
ولا هي دي دموعك
اللى كنت بتفرح بيها
لما تحس بمشيتها
تحت الشباك المفتوح
على آخرة
حاجة غريبة… فعلا ”
هي اللى خليتك ما قدرتش
تفرق بين دموع الفرح زمان
ودموع الفراق دلوقت
