الخبر الثقافي موقع يهتم بكافة النواحي الثقاقية بمختلف مجالاتها وتغطية الأخبار الفنية .
اشمعنى “المرة ” دي
إيه يعني
عريسك جه يطلبك “من”أمك”
و ما كنتيش في البيت..
وما هي كل مرة
كنتي بتنتظريه في البلكونة
وما كنش بيجي
اشمعنى “المرة “دي
كان عارف انك مش
ح تكوني موجودة أو كان يمكن
عايز يعملها لك مفاجأة
و يتفق على تفاصيل ليلة الدخلة
بدون ما يكون ليكي رأي
ولا تختارى شكل الفستان ولا لون الطرحة
ولا أسماء المعازيم!!
طب دي تبقى جوازة!
أهي أمك رفضت للمرة التانية
بس المرة دي مش عشان
خلاف ع المهر
أو تجهيز الشقة
لكن
عشان انتي اتجوزتي فعلا
و أمبارح كانت ليلة دخلتك
حتى بصي كل الناس
اللي تعرفيهم واللي ما تعرفيهمش
شايلين ديل فستانك الطويل
و بيرموا الورد على الهودج
وبيزفوكي
صورتك – أجمل كده
بدون مساحيق.. ولا زواق
مفيش غير اللون الأحمر على ديل
فستانك و اللي بيرسم
طريق جديد” للأفراح ”
اللي ح تيجي بعد كده
كل البنات بيتمنوا
دلوقتي فرح يشبه فرحك
وعريس يتباهوا بيه قدام أصحابهم
زي عريسك
مش قلت لك
