“الشجره للعصافير تاريخ” للشاعر محمد محمد خميس

مستنيه ..
عارف ..
عيل خايب..
مش واعي ب دوره ..
دمع و خبا غباوه ف كُمه ..
نظرة عينة ..
ب شده مفاجأه ..
دعوه حنانها لآل البيت ..
و رب ملبي .

__ فواح ..
طِيب ..
ملايكة رحمة الواسع ..
عليم الأمر و الآمر . __

أول حاجه ..
أدان الحرم المكي ..
بلبل غنا حلاوة روح ..
أمي و حمزه ..
واقفين ..
ف الساحه ..
ب يشاوروا ..
الريح زي الناي ..
دوامه ..
يمامات خمسه ..
ب يرفوا ب جناح واحد ..
و الكاس رنان ..
موصول ب أدان ..
لصلاة الفجر ..
و الغُسل ب زمزم ..
غفله ..
عن عين خادم ..
غرقان فيها ..
بصه من فتحة بابي ..
علي شق ف صدري ..
رف جناح ..
ل يمام ب يسبح ..

__ ضِل أمان ف ملكوتُه ..
ل عاصي ..
و ناسي ..
و مغامر . __