الخبر الثقافي موقع يهتم بكافة النواحي الثقاقية بمختلف مجالاتها وتغطية الأخبار الفنية .
كلكم راعٍ، وكلكم مسئولٌ عن رعيته ..
العنف اللي بنشوفه في الأولاد انهاردة ده نتاج عوامل كتيييرة قوي نتاج أفلام ومسلسلات العنف والمخدرات والكلمات البذيئة نتاج التيك توك والسوشيال ميديا وغياب الرقابة نتاج أب اقتنع تماما إن وظيفته الأساسية في الحياة انه يوفر فلوس للأكل والشرب والرفاهية نتاج أم انشغلت عن أولادها وبقى كل همها ازاي توفرلهم احتياجاتهم المادية وتلبي طلباتهم فقط نتاج عائلة حصلها تفكك ومبقاش فيه العم يحترم والخال والد والجار لازم نراعيه ونحترمه نتاج مدرسة ملهاش قيمة في حياة أولادنا نتاج غياب رجل الدين المثقف الوسطي الواعي نتاج معلم غابت عن حياته مهمته الأساسية وان رسالته هي رسالة الرسل والأنبياء نتاج غياب القيم والأخلاق واعلاء صوت المادة واللي يضربك لازم تضربه ومناظر العنف اللي بنشوفها كل يوم لن تنتهي إلا إذا فوقنا ورجعنا لاولادنا اتكلمنا معاهم وخصصنا وقت لتغذية روحهم مش بطونهم فقط مش هنتهي إلا باعلام واعي وطني نرجع نشوف تاني المسلسلات اللي بتعرض النماذج المضيئة في حياتنا مش هتنتهي غير لما المعلم يعرف قيمته الحقيقية ويراعي ربنا وضميره ويؤدي رسالته اللي ربنا خلقه علشانها مش هتنتهي طول م احنا بنشوف الخناقة وبنقعد نصورها وننشرها كأن ده الإنجاز الأعظم لازم نفوق احنا عندنا جيل من الأولاد اتربى ع العنف جيل محروم وجدانيا الجيل ده مش بس جاني لا ده مجني عليه كل معطيات الحياة أصبحت عنيفة ازاي هو مش هيبقى عنيف ارجعوا قبل فوات الأوان كل واحد يراجع علاقته مع زوجته وأولاده مع اخواته وجيرانه رجعوا الحب بينكم تاني الحب والود والرحمة الصدق والإحترام والعطف الصدق والأمانة والشهامة معاني كتييييير قوي محتاجين نشوفها ونعلمها لأولانا ولنا الله .
* د.رشا مهدي : أستاذ علم النفس بكلية التربية جامعة المنيا ، وعضو لجنة التعليم بمجلس الشيوخ ، وعضو بالمجلس القومي للمرأة، كما تعد أمينة المرأة بحزب مستقبل وطن .
