الخبر الثقافي موقع يهتم بكافة النواحي الثقاقية بمختلف مجالاتها وتغطية الأخبار الفنية .
أصبري
لما السما تفك ضفايرها
وتبدل العتمة بالنور
خليكى زى مانتى
واقفة على الشط البعيد
شاوري له بمنديلك
اللى هناك دول
مش بنات الحور
والقمر زى مانتى شايفة
مقسوم نصين
يمكن يكون مهزوم
بس بيحاول
يلم فى عبه الضفتين
بيطاطى للمراكب
ويسلم للصخور
شاورى له
لو ندهلك صدقيه
عديلة بكل أيامك
أو حسب المساحة
اللى باقية من أحلامك
شاوري له بمنديلك
شاورى
